ന്യൂഡല്‍ഹി: മുന്‍ പ്രധാനമന്ത്രി രാജീവ് ഗാന്ധി ഒന്നാം നമ്പര്‍ അഴിമതിക്കാരനാണെന്ന പരാമര്‍ശത്തില്‍ നരേന്ദ്ര മോദിക്ക് മറുപടിയുമായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. കര്‍മഫലം മോദിക്ക് അനുഭവിക്കേണ്ടി വരുമെന്ന് രാഹുല്‍ ട്വിറ്ററില്‍ കുറിച്ചു. തന്റെ പിതാവിനെക്കുറിച്ച് മോദിയുടെ ഉള്ളിലുള്ളതാണ് കഴിഞ്ഞ ദിവസം പുറത്തുവന്നതെന്നും ഇതോടെ പോരാട്ടം കഴിഞ്ഞുവെന്നും ട്വിറ്ററില്‍ രാഹുല്‍ കുറിച്ചു. നിറഞ്ഞ സ്‌നേഹത്തോടെയും ആശ്ലേഷത്തോടെയും നിര്‍ത്തുന്നുവെന്ന് പറഞ്ഞാണ് ട്വീറ്റ് അവസാനിക്കുന്നത്.
രാജ്യത്തിനു വേണ്ടി രക്ത്‌സാക്ഷിത്വം വഹിച്ച രാജീവ് ഗാന്ധിയെ അപമാനിച്ചതിന് മോദിക്ക് അമേഠി മറുപടി നല്‍കുമെന്ന് പ്രിയങ്ക ഗാന്ധിയും ട്വിറ്ററില്‍ കുറിച്ചു. രാജീവ് ഗാന്ധി നമ്പര്‍ വണ്‍ അഴിമതിക്കാരനാണെന്നായിരുന്നു തെരഞ്ഞെടുപ്പ് പ്രചാരണത്തിനിടെ പ്രധാനമന്ത്രി പറഞ്ഞത്. പ്രധാനമന്ത്രിയുടെ പ്രസ്താവനയെ ഔദ്യോഗികമായി വിമര്‍ശിച്ച് കോണ്‍ഗ്രസും രംഗത്തെത്തി.
http://bit.ly/2wVDrVv
This post have 0 komentar
EmoticonEmoticon