ഹരിപ്പാട് : മാതൃസഹോദരിയുടെ ഭര്‍ത്താവിന്റെ പീഡനത്തെത്തുടര്‍ന്ന് ഗര്‍ഭിണിയായ പത്തൊന്‍പതുകാരിയെ ചോദ്യംചെയ്തപ്പോള്‍ സ്വന്തം അച്ഛന്‍ ഉള്‍പ്പെടെയുള്ള ബന്ധുക്കള്‍ പീഡിപ്പിച്ചെന്ന് വെളിപ്പെടുത്തല്‍. ഇതേത്തുടര്‍ന്ന് അച്ഛനെയും മാതൃസഹോദരിമാരുടെ മൂന്നു മക്കളെയും പൊലീസ് അറസ്റ്റ് ചെയ്തു. കേസുമായി ബന്ധപ്പെട്ട് മാതൃസഹോദരിയുടെ ഭര്‍ത്താവ് നേരത്തെ അറസ്റ്റിലായിരുന്നു. പ്രതികള്‍ക്കെതിരേ പോക്സോ നിയമപ്രകാരം തൃക്കുന്നപ്പുഴ പൊലീസാണ് കേസെടുത്തിരിക്കുന്നത്.എട്ടാം ക്ലാസ് മുതല്‍ അച്ഛന്‍ പീഡിപ്പിച്ചെന്നാണ് പെണ്‍കുട്ടി പൊലീസിനോട് വെളിപ്പെടുത്തിയിരിക്കുന്നത്. വയറുവേദനയ്ക്ക് ചികിത്സതേടി ജൂണ്‍ 15 ന് യുവതിയെ അമ്മ വണ്ടാനം മെഡിക്കല്‍ കോളേജ് ആശുപത്രിയില്‍ എത്തിച്ചപ്പോഴാണ് ഗര്‍ഭിയാണെന്ന് അറിയുന്നത്. ഇതോടെ ഡോക്ടര്‍മാര്‍ പൊലീസില്‍ വിവരമറിയിച്ചു. യുവതിയുടെ മൊഴിയെടുത്ത പൊലീസ് മതൃസഹോദരിയുടെ 55 വയസുള്ള ഭര്‍ത്താവിനെ അറസ്റ്റു ചെയ്തു.
അച്ഛന്റെ പീഡനം സഹിക്കാനാകാതെയാണ് പെണ്‍കുട്ടിയുമായി അമ്മ സഹോദരിയുടെ വീട്ടില്‍ താമസമാക്കിയത്. മാതൃസഹോദരിയുടെ ഭര്‍ത്താവിനെ കൂടാതെ ഇയാളുടെ മക്കളും പെണ്‍കുട്ടിയെ പീഡിപ്പിച്ചു. മക്കളില്‍ ഒരാള്‍ പെണ്‍കുട്ടിയെ പീഡിപ്പിച്ചപ്പോള്‍ ഒന്‍പതാം ക്ലാസ്സില്‍ പഠിക്കുകയായിരുന്നു. അതിനാല്‍ ഇയാളെ ജുവനൈല്‍ ബോര്‍ഡിന് മുന്‍പാകെ ഹാജരാക്കും. കോടതിയില്‍ ഹാജരാക്കിയ മറ്റുള്ളവരെ റിമാന്‍ഡ് ചെയ്തു . മാതൃസഹോദരിയുടെ ഭര്‍ത്താവിന്റെ പീഡനത്തെ തുടര്‍ന്നാണ് പെണ്‍കുട്ടി ഗര്‍ഭിണിയായത്. എന്നാല്‍ അതറിയാതെ വയറുവേദനയാണെന്നും കരുതിയാണ് മെഡിക്കല്‍ കോളേജിലെത്തുന്നത്
https://ift.tt/2wVDrVv
This post have 0 komentar
EmoticonEmoticon