ഫീസ് വർധന: പാർലമെൻറിന് മുന്നിലേക്ക് ജെഎൻയു വിദ്യാർത്ഥികളുടെ ലോങ് മാർച്ച് ഇന്ന്

ന്യൂഡൽഹി: ഫീസ് വർധനവ് അടക്കമുള്ള വിഷയങ്ങൾ ഉന്നയിച്ച് ജെഎൻയു വിദ്യാർത്ഥികൾ ഇന്ന് പാർലമെൻറിന് മുന്നിലേക്ക് ലോങ് മാർച്ച് നടത്തും. രാവിലെ 10 മണിക്ക് ക്യാമ്പസിൽ നിന്ന്  പ്രകടനം പാർലമെൻറിന് മുൻപിലേക്ക് ആരംഭിക്കും. ഭാഗികമായി റദ്ദാക്കിയ ഫീസ് വർധന പൂർണമായും പിൻവലിക്കണമെന്നാണ് വിദ്യാർത്ഥികളുടെ ആവശ്യം. ആവശ്യങ്ങൾ അംഗീകരിക്കപ്പെടും വരെ സമരം തുടരും എന്നാണ് ജെഎൻയു സ്റ്റുഡന്റസ് യൂണിയൻ തീരുമാനം.

വിദ്യാർത്ഥി പ്രതിഷേധത്തെ തുടർന്ന് ഹോസ്റ്റൽ ഫീസ് വർധിപ്പിക്കാനുള്ള നീക്കം ജെഎൻയു അധികൃതർ ഭാഗികമായി റദ്ദാക്കിയിരുന്നു. അതേസമയം വിവിധ ഇനങ്ങളിൽ സർവ്വീസ് ചാർജായി ഈടാക്കാനുള്ള തീരുമാനം പിൻവലിച്ചില്ല. ഉന്നത വിദ്യാഭ്യാസ മേഖല സ്വകാര്യവൽക്കരിക്കാനുള്ള നീക്കത്തിന്‍റെ ഭാഗമാണിതെന്നും വിദ്യാർത്ഥികൾ ആരോപിക്കുന്നു.

https://ift.tt/2wVDrVv