ന്യൂഡല്ഹി: ഡല്ഹിയിലെ പീരാ ഗാര്ഹിയിലെ ഫാക്ടറിയില് ഉണ്ടായ തീപ്പിടുത്തത്തില് ഒരു അഗ്നിശമന സേനാ ഉദ്യോഗസ്ഥന് മരണപ്പെട്ടു. ഡല്ഹി അഗ്നിശമനസേനയുടെ കൃതിനഗര് ശാഖയിലെ ഉദ്യോഗസ്ഥനായ അമിത് ബല്യന് (27) ആണ് മരിച്ചത്. രക്ഷാപ്രവര്ത്തനത്തിനിടെ കെട്ടിടത്തിന് ഉള്ളില് കുടുങ്ങിയ അമിത് ബല്യാണ് ആണ് മരിച്ചത്.
വ്യാഴാഴ്ച പുലര്ച്ചെ അഞ്ചിനാണ് തീപിടിത്തം ഉണ്ടായത്. അഗ്നിശമനസേന തീയണയ്ക്കാന് ശ്രമിക്കുന്നതിനിടെ കെട്ടിടത്തിന്റെ ഒരു ഭാഗം തകര്ന്നു വീണു. ഇത് രക്ഷാപ്രവര്ത്തനത്തെയും ബാധിച്ചു.
ആറുമണിക്കൂര് നീണ്ടുനിന്ന രക്ഷാപ്രവര്ത്തനത്തിനൊടുവിലാണ് അമിതിന്റെ മൃതദേഹം അഗ്നിശമനസേനാ ഉദ്യോഗസ്ഥര് കണ്ടെത്തിയത്. രണ്ടു അഗ്നിശമനസേനാ ഉദ്യോഗസ്ഥരെയും ഒരു ജോലിക്കാരനെയും രക്ഷപ്പെടുത്തിയിട്ടുണ്ട്. രക്ഷപ്പെട്ടവര്ക്ക് നിസാര പരിക്കുകളാണ് ഉള്ളതെന്ന് അധികൃതര് അറിയിച്ചു. ഇവരെക്കൂടാതെ മറ്റു പതിനാലുപേര്ക്കുകൂടി പരിക്കേറ്റിട്ടുണ്ട്.
തീപിടിത്തത്തിന്റെ കാരണം വ്യക്തമായിട്ടില്ല. സംഭവത്തില് സര്ക്കാര് അന്വേഷണത്തിന് ഉത്തരവിട്ടിട്ടുണ്ട്.
https://ift.tt/2wVDrVv
This post have 0 komentar
EmoticonEmoticon