ന്യൂഡല്‍ഹി: കോണ്‍ഗ്രസിന്റെ പാര്‍ലമെന്ററി നയരൂപീകരണ സമിതി യോഗം ഇന്ന് നടക്കും. പൗരത്വ നിയമ ഭേദഗതിയില്‍ പ്രതിഷേധം തുടരുന്ന പശ്ചാത്തലത്തില്‍ വരുന്ന പാര്‍ലമെന്റ് സമ്മേളനത്തില്‍ സ്വീകരിക്കേണ്ട നയങ്ങള്‍ യോഗം ചര്‍ച്ച ചെയ്യും. പ്രതിഷേധങ്ങൾ തുടരാനുള്ള കാര്യങ്ങളും ചർച്ച ചെയ്യും. സോണിയ ഗാന്ധിയുടെ വസതിയില്‍ വൈകുന്നേരം അഞ്ച് മണിക്കാണ് യോഗം.
രാഷ്ട്രപതിയുടെ നയപ്രഖ്യാപന പ്രസംഗം ബഹിഷ്‌ക്കരിച്ചേക്കുമെന്ന സൂചനയ്ക്കിടെയാണ് യോഗം ചേരുന്നത്. പൗരത്വ നിയമ ബേദഗതിക്കെതിരായ പ്രക്ഷോഭങ്ങൾ കൂടുതൽ ശക്തിപ്പെടുത്താനുള്ള നടപടികളും ഇന്നത്തെ യോഗത്തിൽ തീരുമാനിക്കും.
അതേസമയം, രാജ്യത്തിന്റെ 71 ാം റിപ്പബ്ലിക് ദിനത്തില്‍ ഭരണഘടനയുടെ മൂല്യം കേന്ദ്രസര്‍ക്കാരിനെ ഓര്‍മ്മിപ്പിക്കുന്ന തരത്തിലുള്ള പ്രതിഷേധം രാജ്യമാകെ അരങ്ങേറിയിരുന്നു. അതിനിടെ ട്വിറ്ററിലൂടെ കോണ്‍ഗ്രസ് വ്യത്യസ്തമായ പ്രതിഷേധം അറിയിച്ച്‌ രംഗത്തെത്തിയിരുന്നു.
https://ift.tt/2wVDrVv
This post have 0 komentar
EmoticonEmoticon