റായ്പുര്‍: ബസ്തര്‍ ഗോത്രവിഭാഗത്തില്‍ പെടുന്ന കര്‍ഷകരില്‍ നിന്ന് വ്യവസായശാല തുടങ്ങാന്‍ ഏറ്റെടുത്ത ഭൂമി തിരികെ കൊടുക്കാന്‍ ഛത്തീസ്ഗഢ് സര്‍ക്കാര്‍.
ടാറ്റാ സ്റ്റീല്‍ പ്ലാന്റിനു വേണ്ടി ഏറ്റെടുത്ത ഭൂമിയാണ് പദ്ധതി നടപ്പാവാത്ത സാഹചര്യത്തില്‍ കര്‍ഷകര്‍ക്ക് മടക്കി നല്‍കാന്‍ ഭൂപേഷ് ബാഘേല്‍ സര്‍ക്കാര്‍ ഒരുങ്ങുന്നത്.
സ്ഥലം ഏറ്റെടുത്തിട്ട് അഞ്ചുവര്‍ഷം കഴിഞ്ഞും പദ്ധതി ആരംഭിച്ചിട്ടില്ലെങ്കില്‍ ഉടമകള്‍ക്ക് ഭൂമി തിരികെ നല്‍കുമെന്ന് കോണ്‍ഗ്രസ് തിരഞ്ഞെടുപ്പ് പ്രകടനപത്രികയില്‍ പ്രഖ്യാപിച്ചിരുന്നു. 2005ല്‍ അന്നത്തെ ബി ജെ പി സര്‍ക്കാരാണ് ബസ്തര്‍ ജില്ലയിലെ ലോഹന്ദിഗുദാ മേഖലയില്‍ സ്റ്റീല്‍ പ്ലാന്റ് ആരംഭിക്കുന്നതിന് ടാറ്റയുമായി കരാര്‍ ഒപ്പിട്ടത്. 2008ലാണ് ഭൂമി ഏറ്റെടുത്തത്. പത്ത് ഗ്രാമങ്ങളില്‍നിന്നായി 1764 ഹെക്ടര്‍ ഭൂമിയാണ് ഏറ്റെടുത്തത്.
അധികാരത്തിലെത്തിയതിനു പിന്നാലെ സംസ്ഥാനത്തെ കര്‍ഷകരുടെ വായ്പ സര്‍ക്കാര്‍ എഴുതിത്തള്ളിയിരുന്നു. ഇതിനു പിന്നാലെയാണ് ഏറ്റെടുത്ത ഭൂമി കര്‍ഷകര്‍ക്ക് തിരികെ നല്‍കാനുള്ള പദ്ധതിയുമായി സര്‍ക്കാര്‍ നീങ്ങുന്നത്.
This post have 0 komentar
EmoticonEmoticon