തിരുവനന്തപുരം: കെഎസ്ആര്‍ടിസി ബസുകള്‍ക്കു നേരെയുണ്ടായ ആക്രമണങ്ങളില്‍ പ്രതിഷേധിച്ച് ബസുകളുടെ വിലാപയാത്ര.കിഴക്കേക്കോട്ടയിലെ ചീഫ് ഓഫിസില്‍നിന്ന് പാളയം രക്തസാക്ഷി മണ്ഡപത്തിലേക്കാണ് കെഎസ്ആര്‍ടിസി ജീവനക്കാര്‍ ബസുകളുമായി റാലി നടത്തിയത്. ചില്ലു തകര്‍ന്ന വണ്ടികളായിരുന്നു മിക്കതും. ആനവണ്ടിയെ ഉപദ്രവിക്കരുതെന്ന പ്ലക്കാര്‍ഡുകളുമായി വനിതകള്‍ ഉള്‍പ്പെടെ നൂറുകണക്കിനു ജീവനക്കാരും അണിനിരന്നു. വിലാപയാത്ര കാണാന്‍ നിമിഷനേരം കൊണ്ട് റോഡിന്റെ ഇരുവശവും കാണികളും നിരന്നു.
സംസ്ഥാനത്താകെ 100 കെഎസ്ആര്‍ടിസി ബസുകളാണ് അക്രമങ്ങളില്‍ തകര്‍ന്നത്. 3.35 കോടിയുടെ നഷ്ടമുണ്ടായതായി വിലാപയാത്രയ്ക്കു
നേതൃത്വം നല്‍കിയ എംഡി ടോമിന്‍ തച്ചങ്കരി പറഞ്ഞു.
അക്രമികളില്‍ നിന്ന് നഷ്ടപരിഹാരം ഈടാക്കണമെന്നാവശ്യപ്പെട്ട് പൊലീസിനു കത്തു നല്‍കിയിട്ടുണ്ടെന്നും തച്ചങ്കരി പറഞ്ഞു. തിരുവനന്തപുരത്താണ് ഏറ്റവുമധികം ബസുകള്‍ക്കു നേരെ അക്രമമുണ്ടായത്-23 എണ്ണം. കൊല്ലത്ത് 21 എണ്ണവും പത്തനംതിട്ടയില്‍ 10 എണ്ണവും അക്രമിക്കപ്പെട്ടു. 1.25 കോടി രൂപയോളം വിലവരുന്ന എസി വോള്‍വോ ബസുകളുടെ ചില്ലുകളും തകര്‍ത്തിട്ടുണ്ട്.
This post have 0 komentar
EmoticonEmoticon