കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് രമ്യ ഹരിദാസിനെ ആലത്തൂരിലെ യുഡിഎഫ് സ്ഥാനാര്‍ഥിയായി പ്രഖ്യാപിച്ചത് മുതല്‍ ബ്ലോക്ക് പഞ്ചായത്തിന്റെ പ്രകടനം മോശമാണെന്ന സിപിഎം ആരോപണത്തിന് മറുപടിയുമായി രമ്യ ഹരിദാസ്. പഞ്ചായത്തിൻറെ പദ്ധതി ചെലവ് സംബന്ധിച്ച കണക്കുകള്‍ സോഫ്റ്റ് വെയറില്‍ സര്‍ക്കാര്‍ പുതുക്കാത്തതാണ് പ്രശ്നമെന്ന് രമ്യ വ്യക്തമാക്കി.
പദ്ധതി നടത്തിപ്പ് സംബന്ധിച്ച വിവരങ്ങള്‍ കൃത്യമായി സര്‍ക്കാരിലേക്ക് കൈമാറിയിട്ടുണ്ടെങ്കിലും അത് പക്ഷേ കൃത്യമായി വെബ് സൈറ്റില്‍ അപ്ഡേറ്റ് ചെയ്യാറില്ല. പദ്ധതി നടത്തിപ്പിന്‍റെ പഴയ സ്ഥിതിവിവര കണക്കാണ് സര്‍ക്കാര്‍ സൈറ്റില്‍ ഇപ്പോള്‍ കാണിക്കുന്നത്. ഇതു വച്ചാണ് കുന്ദമംഗലം ബ്ലോക്ക് പഞ്ചായത്തിന്റെ പ്രവര്‍ത്തനം മോശമാണെന്ന് ചിലര്‍ പ്രചരിപ്പിക്കുന്നത്. സാമ്പത്തിക വര്‍ഷത്തെ മുഴുവന്‍ കണക്കുകളും ചേര്‍ത്തുള്ള പട്ടിക വരുമ്പോള്‍ ചിത്രം മാറുമെന്നും രമ്യാ ഹരിദാസ് പറയുന്നു.
തൃശ്ശൂര്‍ പ്രസ് ക്ലബ് സംഘടിപ്പിച്ച രാഷ്ട്രീയ സംവാദത്തില്‍ പങ്കെടുത്തു സംസാരിക്കുകയായിരുന്നു രമ്യ. അതേസമയം, മോശം പരാമര്‍ശം നടത്തിയ എല്‍ഡിഎഫ് കണ്‍വീനര്‍ എ.വിജയരാഘവനെതിരായ നിയമനടപടി തുടരുമെന്നും രമ്യ ഹരിദാസ് വ്യക്തമാക്കി.
http://bit.ly/2wVDrVv
This post have 0 komentar
EmoticonEmoticon