എന്റെ പേര് ഖാൻ എന്നായത് ഒരു കുറ്റമാണോ? പോലീസുകാരനെതിരെ നടന്ന പ്രതിഷേധത്തിന്റെ വീഡിയോ വീണ്ടും വൈറൽ ആകുന്നു

ജാർഖണ്ഡ്: കഴിഞ്ഞ വർഷം നടന്ന ഒരു കൊലപാതകവുമായി ബന്ധപ്പെട്ട് പോലീസ് ഉദ്യോഗസ്ഥനെതിരെ നടന്ന മതവിദ്വേഷ പ്രതിഷേധത്തിന്റെ വീഡിയോ വീണ്ടും സമൂഹമാധ്യമങ്ങളിൽ വൈറൽ ആകുന്നു. മുസ്‌ലിം ആയതുകൊണ്ട് നടപടി എടുക്കിന്നില്ലെന്ന് ആരോപിച്ചാണ് പോലീസുകാരന് എതിരെ കൊല്ലപ്പെട്ട ആളുടെ ബന്ധുക്കളും നാട്ടുകാരും ചേർന്ന് പ്രതിഷേധം നടത്തിയത്.

 2018 ജൂലൈ 18 ന് മുസ്‌ലിം ഭൂരിപക്ഷമുള്ള പ്രദേശത്തു ഒരു ബിജെപി പ്രവർത്തകൻ കൊല്ലപ്പെട്ടതിനെ തുടർന്ന് പോലീസ് നടപടി എടുക്കുന്നില്ലെന്ന് ആരോപിച്ചാണ് സബ് ഇൻസ്‌പെക്ടർ ആബിദ് ഖാനെതിരെ ഒരു സംഘമാളുകൾ പ്രതിഷേധവുമായി എത്തിയത്. ആബിദ് ഖാൻ മുസ്‌ലിം ആയതിനാലാണ് നടപടി എടുക്കാത്തത് എന്നാരോപിച്ചായിരുന്നു പ്രതിഷേധം. എന്നാൽ കൊലപാതകം നടന്ന ദിനം തന്നെയായിരുന്നു പ്രതിഷേധവും നടന്നത് എന്നത് ശ്രദ്ധേയമാണ്.

ജൂലൈ 18 ന് ബിജെപി അംഗം ധീരജ് റാമിനെ ഡോറാണ്ടയിലെ വീടിനു സമീപം വെച്ച് ബൈക്കിൽ എത്തിയവരാണ് വെടിവച്ചു കൊന്നത്. ഇതേതുടർന്ന് ഒരു സംഘം പ്രതിഷേധക്കാർ പോലീസ് സ്റ്റേഷനെ വളഞ്ഞു പ്രക്ഷോഭം തുടരുന്നതിനിടെ, പ്രതിഷേധക്കാരിലൊരാളായ ഒരു സ്ത്രീ, മനപൂർവമായ നിഷ്‌ക്രിയത്വം ആരോപിച്ച് സബ് ഇൻസ്പെക്ടർ ആബിദ് ഖാന്റെ മതത്തിനെതിരെ പ്രതിഷേധം ഉയർത്തുകയായിരുന്നു. മുസ്‌ലിം ആയത് തന്റെ കുഴപ്പമാണോ എന്ന് ഖാനും പ്രതികരിക്കുന്നുണ്ട്.

"Main musalman hun, ye mera gunah hai?" Asks Sub Inspector Abid Khan who is posted at #Doranda PS, #Jharkhand and was allegedly abused because of his religion.
Where is our country heading? Is being Muslim now a sin in India? Will @IASassociation step in to investigate? pic.twitter.com/IhW5A9ExJT

— IN UnPlugged (@INUnPlugged) July 21, 2018

എന്നാൽ “സത്യസന്ധനായ ഒരു മനുഷ്യനും അത്തരം വാക്കുകൾ കേൾക്കേണ്ടതില്ല” എന്ന ഖാൻ അന്ന് പ്രതികരിച്ചിരുന്നു. “ആൾക്കൂട്ടത്തിനിടയിലെ ഒരു സ്ത്രീ പറഞ്ഞു, ഞാൻ കഴിവില്ലാത്തവനാണ്, എന്റെ മതം കാരണം ഞാൻ എന്റെ ജോലി ശരിയായി ചെയ്യുന്നില്ല. ഇത് എന്നെ ഏറെ വേദനിപ്പിച്ചു. 25 വർഷമായി സത്യസന്ധമായി ജോലി ചെയ്യുന്ന ഒരു പോലീസ് ഉദ്യോഗസ്ഥനാണ് താനെന്നും ഖാൻ പ്രതികരിച്ചു.

“ഞാൻ ഒരു പോലീസ് ഉദ്യോഗസ്ഥനാണ്, ഞാൻ നല്ല ആളുകളെയും മോശക്കാരെയും കണ്ടു. പ്രതിഷേധം ഒരു സാധാരണ സംഭവമാണ്, എന്നാൽ ഇത്തരം ഒരു പെരുമാറ്റം പുതിയതാണ്. ആളുകൾ സംഭവം മനസ്സിലാക്കാൻ ആഗ്രഹിക്കുന്നില്ല, ”അദ്ദേഹം കൂട്ടിച്ചേർത്തു. എന്റെ മതത്തെക്കുറിച്ച് അന്തർലീനമായ ഒരു സൂചന ഉണ്ടായിരിക്കാം, എന്നാൽ ഇത് മുമ്പൊരിക്കലും വ്യക്തമായിരുന്നില്ല. ഇപ്പോൾ അത് പുറത്തുവരാൻ തുടങ്ങിയെന്ന് അദ്ദേഹം പറഞ്ഞു. സംഭവത്തിൽ, ഇത്രയും നിന്ദ്യമായ രീതിയിൽ പെരുമാറിയതിന് ജനക്കൂട്ടത്തെ ശാസിച്ചതായി ഡിഎസ്പി രവീന്ദ്ര കുമാർ സിംഗ് പറഞ്ഞിരുന്നു.

അതേസമയം, അന്വേഷണം അതിവേഗത്തിലാണ് നടന്നിരുന്നത്. ഞങ്ങൾ പോസ്റ്റ്‌മോർട്ടം നടത്തിയിരുന്നു. ഞങ്ങൾ അറസ്റ്റുചെയ്യാൻ പോവുകയായിരുന്നു. ഞങ്ങളുടെ ഡിഎസ്പിയും (ഡെപ്യൂട്ടി പോലീസ് സൂപ്രണ്ട്) അവിടെ ഇരുന്നു. ഇത് കണക്കാക്കിയിട്ടില്ല, ”ഖാൻ പറഞ്ഞു.

ധീരജ് റാമിന്റെ കൊലപാതകത്തിൽ പങ്കുണ്ടെന്ന് സംശയിക്കുന്ന നാല് പേരെ അടുത്ത ദിവസം തന്നെ പോലീസ് അറസ്റ്റ് ചെയ്‌തിരുന്നു. എംഡി അലി ഖാൻ, എംഡി ആരിഫ്, എംഡി സൽമാൻ അൻസാരി, എംഡി ചന്ദ് അൻസാരി എന്നിവരെയാണ് തിരിച്ചറിഞ്ഞത്.

https://ift.tt/2wVDrVv