കൊച്ചി: സ്ത്രീകൾക്കെതിരെ സൈബർ ഇടങ്ങളില്‍ നടക്കുന്ന ആക്രമണങ്ങൾക്കെതിരെ വിമൻ ഇൻ സിനിമ കളക്ടീവ് പത്തുദിവസത്തെ 'സേ നോ ടു സൈബർ വയലൻസ്' കാംപെയ്‌ന് തുടക്കമിട്ടു. ഓൺലൈനിലെ മോശം പെരുമാറ്റത്തിന്റെ കാര്യത്തിൽ അതിക്രമം നടത്തുന്നവർക്കൊപ്പമോ ഇരകൾക്കൊപ്പമോ എന്ന് ആത്മപരിശോധ നടത്താൻ സോഷ്യൽ മീഡിയ ഉപയോക്താക്കളോട് കാംപെയ്‌നിലൂടെ അഭ്യർത്ഥിക്കുന്നതായി സംഘാടകർ അറിയിച്ചു.
ഫർഹാൻ അക്തറിന്റെ മർദ്, ഷി ദി പീപ്പിൾ, വിമൻസ് ബിസിനസ് ഇൻകുബേഷൻ പ്രോഗ്രാം, പോപ്പ് കൾട്ട് മീഡിയ, ഇന്റർനാഷണൽ ചളു യൂണിയൻ എന്നീ സംഘടനകളുമായി സഹകരിച്ചാണ് കാംപെയ്ൻ.
സൈബർ അതിക്രമങ്ങൾ സംബന്ധിച്ചുള്ള ചർച്ചകളിൽ സോഷ്യൽ മീഡിയ ഉപയോക്താക്കളും മാധ്യമങ്ങളും പങ്കാളികളാകുമെന്നും അതിക്രമങ്ങളുണ്ടാകുന്ന ഇടങ്ങളിൽ ഇടപെടുമെന്നും പ്രതീക്ഷിക്കുന്നതായി ഡബ്ല്യു.സി.സി പറഞ്ഞു. കാംപെയ്‌നിൽ പങ്കെടുക്കാൻ കഴിയുന്നതിൽ സംതൃപ്തിയുണ്ടെന്നും ഗുണപരമായ മാറ്റങ്ങളുണ്ടാക്കാൻ കഴിയുമെന്ന് പ്രതീക്ഷിക്കുന്നതായും മർദ് സഹസ്ഥാപകൻ അനുരാഗ് റാവു പറഞ്ഞു.
This post have 0 komentar
EmoticonEmoticon