പാട്ന: ബിഹാറിലെ ഗയയില്‍ മുന്‍ ബിജെപി നേതാവിന്‍റെ വീട് മാവോയിസ്റ്റുകള്‍ തകര്‍ത്തു. അനുജ് കുമാര്‍ സിന്‍ഹയുടെ ബോധിഗയയിലെ വീടാണ് ആക്രമിക്കപ്പെട്ടത്. മുപ്പതോളം മാവോയിസ്റ്റുകളാണ് ആക്രമണം നടത്തിയതെന്ന് പോലീസ് അറിയിച്ചു. സംഭവത്തില്‍ ആര്‍ക്കും പരിക്കില്ല.
ആയുധധാരികളായ മാവോയിസ്റ്റുകള്‍ കടന്നുകയറി ഡൈനാമിറ്റ് ഉപയോഗിച്ച്‌ വീട് തകര്‍ക്കുകയായിരുന്നു. അനുജ് കുമാറിന്‍റെ അടുത്ത ബന്ധുവിനെ മാവോയിസ്റ്റുകള്‍ മര്‍ദിക്കുകയും വീട്ടില്‍നിന്ന് പുറത്തുപോകാന്‍ ആവശ്യപ്പെടുകയും ചെയ്തു.
ആക്രമണത്തിനു ശേഷം തെരഞ്ഞെടുപ്പ് ബഹിഷ്ക്കരിക്കാന്‍ ആഹ്വാനം ചെയ്യുന്ന പോസ്റ്റര്‍ പതിച്ച ശേഷമാണ് മാവോയിസ്റ്റുകള്‍ മടങ്ങിയത്. ബിഹാര്‍ നിയമസഭയിലെ മുന്‍ എംഎല്‍സിയാണ് സിന്‍ഹ.
https://ift.tt/2wVDrVv
This post have 0 komentar
EmoticonEmoticon