തൃശൂർ: മാനസിക വെല്ലുവിളി നേരിടുന്ന പെണ്‍കുട്ടികളുടെ ടാലന്‍റ് ഹണ്ട് തൃശൂരില്‍ നടന്നു. സംസ്ഥാനത്തിന്‍റെ വിവിധ ഭാഗങ്ങളില്‍ നിന്നുള്ള 23 പെണ്‍കുട്ടികളാണ് ടാലന്‍റ് ഹണ്ടില്‍ അണിനിരന്നത്. ആത്മവിശ്വാസത്തോടെയാണ് ഈ പെണ്‍കുട്ടികള്‍ റാംപിലൂടെ നടന്നത്.
പുത്തന്‍ ഫാഷന്‍ വസ്ത്രങ്ങള്‍ അണിഞ്ഞ് പരിശീലകരുടെ നിര്‍ദ്ദേശങ്ങള്‍ അക്ഷരംപ്രതി പാലിച്ചായിരുന്നു പ്രകടനം. ബുദ്ധിപരമായ വെല്ലുവിളി നേരിടുന്ന പെണ്‍കുട്ടികള്‍ക്ക് മാനസികമായ കരുത്തു പകരാനായിരുന്നു ഇങ്ങനെയൊരു ടാലന്‍ഡ് ഹണ്ട്. ജൂനിയര്‍ ചേംബര്‍ ഇന്‍റര്‍നാഷനല്‍ തൃശൂരും മലയാള മനോരമയും പരസ്പരം കൈകോര്‍ത്തായിരുന്നു ഈ വേദി ഒരുക്കിയത്. ചലച്ചിത്രതാരം അംബികയാണ് ഉദ്ഘാടനം നിര്‍വഹിച്ചത്
വിവിധ ജില്ലകളില്‍ ഓഡിഷന്‍ നടത്തിയാണ് മല്‍സരാര്‍ഥികളെ തിരഞ്ഞെടുത്തത്. ടാലന്‍ഡ് ഹണ്ടിലൂടെ സ്വരൂപിച്ച പണം സന്നദ്ധ പ്രവര്‍ത്തനങ്ങള്‍ക്കായി വിനിയോഗിക്കും.
This post have 0 komentar
EmoticonEmoticon