ഇന്ത്യൻ ഫുട്ബോൾ ടീം ക്യാമ്പിലേക്ക് രണ്ട് മലയാളി താരങ്ങൾ കൂടി

ന്യൂഡൽഹി ∙ തായ്‌ലൻഡിൽ നടക്കുന്ന കിങ്സ് കപ്പിനായുള്ള 37 അംഗ ഇന്ത്യൻ ഫുട്ബോൾ ടീം ക്യാംപിൽ മലയാളികളായ ജോബി ജസ്റ്റിനും സഹൽ അബ്ദുൽ സമദും ഇടം നേടി. പുതിയ പരിശീലകനായ ഇഗോർ സ്റ്റിമാച്ചിനു കീഴിൽ ആദ്യ മത്സരത്തിനാണു ടീം തയാറെടുക്കുന്നത്. പ്രമുഖതാരങ്ങളെയെല്ലാം. ഉൾപ്പെടുത്തിയ ക്യാംപിൽ ഐഎസ്എല്ലിൽ തിളങ്ങിയ മൈക്കിൾ സൂസൈരാജ്, അണ്ടർ 17 ലോകകപ്പിലെ ശ്രദ്ധേയ താരം കോമൽ തട്ടാൽ എന്നിവരുമുണ്ട്. പരുക്കിനെ തുടർന്ന് മലയാളി താരം ആഷിഖ് കുരുണിയൻ ക്യാംപിൽ ഉൾപ്പെട്ടിട്ടില്ല. ജെജെയാണു പരുക്കുമൂലം പുറത്തിരിക്കുന്ന പ്രമുഖ താരം. 20 മുതൽ ന്യൂഡൽഹിയിലാണു ക്യാംപ്. ജൂൺ 5 മുതൽ 8 വരെ തായ്‌ലൻഡിലാണു കിങ്സ് കപ്പ്.

http://bit.ly/2wVDrVv